සිහිනයෙ රූ මවා
සිත ගෙන පියඹා
ගිය සඳවති මා
හද බැඳි පෙමිනා
මා පසු තැවෙනා
බව ඇය නොදැනා
මේ ලෙස හිනැහෙනා
විට මට දැනුනා
මගෙ මුළු ලොවමා...
සිහිනෙන් මා ළඟ සරණා
හැබැහින් ඔහු ළඟ ඉන්නා
පෙම් කැර මුත් මා පෙරදා
මට පෙම නොකැරපු, පෙරලා
තවමත් මා පෙම් කැරනා
දැන් දරු සුරතල් බලනා
මා අමතක කැර සිටිනා
ඔබෙ උපන් දිනයි මෙදිනා
සිවු වසැරක මතකෙට පියඹා
ඔබැ හමු වූ සැටි සී වී හැඬුනා
තරහක් නෑ කුමරියෙ කිසිදා
කුමරියෙ ඉනු මැන තොසිනා
ඉතින් මා දයාබර සොඳුරියේ
ඔබේ ජීවිතය සාර්ථක වී
සියලු පැතුම් ඉටු වී
ජීවිතය ලස්සන වේවා...!!
සුභ උපන්දිනයක් වීවා...!!
කලින් කල
තැනින් තැන
විටෙන් විට
ළඟින් හිඳ
සවිය වුන
මිතුර ඔබ
දිනෙන් දින
ටිකෙන් ටික
දුරින් දුර
ගොසින් ඔබ
කොයිද අද
සොයයි හද..
කොහෝ හඬ නෑ ඉස්සර සේ
රෑයියන් ඉගිල ගොස්, නෑ මායිමේ
එරබදු මල් නැතත් රතට රතේ
මගේ හිතෙ පිරී ඇත සන්තෝසේ...
අවුරුදු කුමරා නැතත් වැඩියේ
මා කුමරිය පිපුනා දෑස් මානේ
හොරා කීපයක් වුවත් ඈ සිටියේ
ඒ ටික වටී, නැතත් අන් සියළු දේ...
දිගු කලෙකිනුයි ඈ අද දුටුවේ
පෙරදා නැති රුවින් දිලුනේ
හිමි නැතත් ඈගේ සෙනෛහේ
වරක් දුටුවම සියළු දුක් දුරුවේ...
සීයට විනාඩි දෙකයි පුළුවන්
සීයක කාඩ් එකක් දාං රුපියල්
මම කතා කලා අමතක ද දැං...
කාලය නම් පියඹලා ගිහිං
අමතක නෑ මතකය නම්
කලකින් ඇමතුවේ නැතත් මං
හිත තාම ලෙංගතුයි ඉතිං...
ටික ටික වයසත් යයි දැං
ගෙදරින් කලත් බලපෑම්
කුමක් කරන්නද මං
හිත තාම ඔබ ළඟ නම්...
මිහිදුම් සිහින විකසිත වන යාමේ
ඔබත් මාත් එක්වී මේ සැණකෙළියේ
ලොවම අමතක වූ මොහොතේ
ආදරෙන් එක් වී ඉමු පෙම්බරියේ...
සවන් මත ඔබ දෙතොල් තියා හෙමිහිට
ආදරෙයි කී විට ලොවම අමතක වුනා මට
නෑසියන් දෙගුරුන් හරස් වූවත් අප හට
මේ ආදරෙන් මිදෙන්නෑ මා කිසිම විට...
ප්රේමය නම් එක්තරා භාවනාවක් බව
කියා තිබෙනව ලු පුස්කොල පොතක
එහෙයින් මිදෙන්නද භාවනාවෙන් මම
මියෙන තුරු බවුම් වඩනු මිස, අභියස ඔබ...
ඔබ ව දුටු සඳ
මට මගේ හද
අහිමි වී ගිය සඳ
බැඳුනු මා පෙම් හද
ඔබ සොයා පැමිණි සඳ
පෙම කියූ සඳ
අමනාප වූ ඔබ හද
කතා නොකර අද
තහංචි දමා හද
මගහැර යන සඳ
කෝම වාවන්න ද
සීතළ මඳ නල හමා එයි
ඇට මිදුලු සලිත වෙයි
පාළුව තනිකම දැනෙයි
ඔබ ගැන සිහියට එයි...
ජංගමය දෙස හැරෙයි
SMS ඇත්දැයි බලයි
නැති විට දුක හිතෙයි
එන තුරු මඟ බලයි...
යළි දුරථනය ගනියි
ඔබේ අංකය කරකවයි
ඔබට කරදර දෝ සිතෙයි
සැනෙන් යළි Cut කරයි...
නිමේෂයකින්, පායපු සඳ
කළු වළාවකින් වැහුනු සඳ
යලිත් එබෙන තුරු සඳ
මා බලා සිටින සඳ
එබෙන්නට පෙර එ සඳ
යළි වළාවක් පැමිණි සඳ
වැසිගොස් සරා සඳ
තනි කලා මා හද
වස්සානයට පිපෙන්න වෙර දරන
සිත් මල අභියස පිපුන
හෙමි හෙමින් හදවතට පිය නගන
වරා කැකුළ ගති හැඳින
පුරා සඳ ගුවනේ දිලෙන විට සොඳින
මවා ගති ඔබෙ රුව එතන
නිවා ගන්නට දුක, මා හදවත විඳින
නුඹ පිපෙන්නේ කෙදින
නිමක් නැත හැඟුම් ඔබ ගැන එදින
පුබුදුවන විට මා සොඳින
දරා ගනු බැරි දුකක් දැනේ මෙදින
ඔහු හා ඉන්න බව දැනුන
http://manvsclock.com/wp-content/uploads/2011/08/sad-face.jpg
හද විල මැද පිපි සුවඳ මලයි ඔබ
හද තනි කර ඉවත ගියත් අද
එනමුදු ඔබටයි රැඳුනු සෙනේ තව
ඔබ හිමි නැති බව දැනගත්තත් මම
දුර ඈත දුරු රටක සිටියත් ඔබ
නොදැකීම පෙම් බැන්දා ඔබට මම
පෙර භවයක ඔබ කලින් සමු ගත් හින්දම
මා සෙනෙහස පිටුපෑවේ ඇයි ඔබ
දින සති මාස වසර ගනන් ගෙවුනත්
මියැදුනේ නෑ ඔබට බැඳි සෙනෙහස මා
වෙනත් පෙමක සුව විඳ විඳ ඔබ
මට රහසෙම ඇවිත් ඔබ මවු රට
ehappy.wordpress.com
ඔබ මගේ හද
රැගෙන ගිය සඳ
නිකැළැල් මා හද
අහිමි වී අද
බලමි පෙර මඟ
රැගෙන සඳෙ ද හද
යළි එයිද සඳ
නොදැන මා හද..
පියවෙන නෙතු මත ඔබව පෙනෙන්නේ
දෙසවන් මත ඔබෙ හඬ රැව්දෙන්නේ
සිත ඇතුලෙන් උඩු යටිකුරු වෙන්නේ
සුභ සිහිනෙක සිතුවිළි පැටලෙන්නේ...
බලාගත් අතම බලා සිටින්නේ
සිත වෙත නැහැ වෙන කිසිවක් එන්නේ
පෙර සසරෙත් ඔබ පැතුවා වැන්නේ
මගෙ කරගන්නට පෙරුම් පුරන්නේ...
සිහිනෙන් ඇවිදින් රහස් කියන්නේ
හොරැහින් බැලු හැටි මට සිහිවන්නේ
ආයෙත් ආදර මල් පූදින්නේ
ඔබ නමටයි දැං පෙරුම් පුරන්නේ...
http://favim.com/colors/FFB4B4/page/13/
සිහිල් සුළං රැල් ගඟ සිඹ හමා එන සඳ
සිතුවේ නැති විලසින් හමු වෙලා ඔබ
ඇස් කොනින් කී කතා සිහි වෙලා අද
දස දහස් වරක් රහසින් හඬනවා මා හද
මුවින් නොබැන මුණිවත් රැකි ඔබ
නෙතින් කී කතා මත් කලා මා හද
යාන්තමින් සිනහවක් මා දී වෙත
මා වෙත කල ඇරයුම සී වුනා මට
දෙදිනක්ම මා නෙතු අද්දර පිපි එ මල
සමු අරං යන්නට පෙරැ මා තනි කැර
විමසූ විට රාසින් මා සැනසූ මල ගැන
කිසිදා ළං වනු බැරි දුරක පිපීලා මා මල
http://www.starkeith.net/coredump/wp-content/uploads//2008/05/girl-and-boy-in-love-in-the-snow.jpg
මානෙල් මලක සුවඳක් දැනෙනා යාමේ
වෑ කණ්ඩිය උඩින් ඔබ ඔහු හා යන්නේ
පවු කල නිසා ඔබ මා දෙතැනක ඉන්නේ
ඈතින් හිඳන් අද මා හදවත සැනසෙන්නේ
අහංකාර කඳුළක් නෙත සිප ගන්නේ
ඔබ රූපය ටික ටික දැං බොඳවන්නේ
මහ වැස්සක් සේ කඳුළැලි බේරෙන්නේ
ඒ අතරින් ඔබ හිනැහෙනු දිස්වන්නේ
අත් පටලා ඔබ, මා හා මේ ලෙසිනේ
ගියෙ නැතිමුත් ගිය බව මැවිලා පෙනුනේ
