අනන්ත සයුරේ දිය
බිඳු සේමා
ඔබ වෙතටම පෙම්
කලත් මා
තණ අග පිණි
බිඳුවක් සේමා
ඔබ පෙම් කැර මට
නෑ පෙරලා..

සඳ තනියට තරු හිඳිනා

වෙලාවේ..

මගෙ තනියට මතකය

සිහිවුනාවේ..

ඔබෙත් මගෙත් අවිහිංසක

පෙම් කතාවේ..

කඳුළු බිංදු ඔච්චම් කැර

සිනහවේ..

අඳුර මකන්නට පහන් සිලක් වත්
නොමැති රැයේ...
සිහින ගෙනෙන්නේ ඇයි නෙතු නිදි
නොමැති පැයේ...
කොපුල් තෙමන්නට කඳුලක් පෙරුමන්
පුරන වියේ...
ආදර සැමරුම් ගෙන මගෙ මතකය
ඇත ගියේ...

නමට සීමා වූ නිදහසක්
හිමි කැර දීමට සැබැවට
තබා පරදුවට තම දිවිය
පෙරට ගිය විරුවාණෙනි
පුදන්නට උපහාර ඔබට
එන්නට බැරිමුත් උළෙලට
ණය ගැතියි අප සැවොමා
ඉතිහාසයේ ඔබේ නම
ලියැවේ රන් අකුරින්..

ඉඳින් ඔබට
ආයුබෝවේවා..!!

අපේ ලෝ කම්හලේ
කම්කරුවන් වන අපේ
නිපදවන නිද්පාදිතෙන්
බිහිවන අතුරු ඵල
අතුරින් ප්‍රධාන එකක්
"නිමි" නොවී "නොනිමි" වී
නැවතුනා යාන්තමින්
පෙරදින රාත්‍රියේ....

***************************
නිකන් යන්න බැරි නිසා
අපේ අහිංසක කන් දෙකට
බලෙන්ම රිංගවන
ප්‍රයිවට් බස් වල
මෙලෝ රහක් නැති
අහගෙන යන්නම වෙනව ඉතිං
වෙන කරන්න දෙයක්
නැතිකමටම...


*****************************************

රහසින් මගෙ හිත
විමසයි ඔබ ගැන
ගියමුත් මා හැර
ඔබටයි මා, පෙම

හිමි නැතිමුත් ඔබ
දොඩමළු වන විට
ගිය බව මා හැර
අමතක වෙයි මට

නැතිමුත් පෙර මෙන්
දොඩමළු වන්නේ
ඉඳහිට අමතන විට
අමතක වේ හැම මට.....

සැපතෙදි ළඟම සිටී
විපතෙදි ළඟ නොමැතී
අහපන් සකි සඳුනී
නුඹ නැති එක තුටකී...

__________________________

නිෂා යාමයේදී සඳ අද්දර

අහසක් තරම් පැතුම් එක්කර

දහසක් හීන මවා ඇස අද්දර

පෙරුමන් පුරා හිත ඉද්දර

ඉල්ලුම් කලේ දැක පත්තර

මගෙ ජිවිතේ ගන්නට වෙනස්කර

දැම්මත් සී වී එක ඉල්ලුම් කැර

දින සති ගෙවුනත් ඉක්මන් කැර

සිටියත් මා සක්මන් කැර කැර

ආවේ නෑ තාමත් මට උත්තර ....

______________________________________

=================

සුසුමුදු නළල මැද
ලස්සන තිලකයක් තියාන
මා ලං වන විටම
ලැජ්ජාවෙන් ඉවත බැලුවත්
පෙරුම් පුරාගෙන මම
නාන් කාදලෙයි කියූ විගසම
කාදලික්ක නේරුම් ඉල්ලේ කියා
දිවගියත් හනි හනිකට
නාන් රොම්බ කාදලෙයි කෙල්ලේ..

===========================

********************

නිල් සඳ මඬල යට
අහසක් තරම් උසට
සිතුම් වැල් පොදිබඳින
නැගෙනියනි මා දයාබර
නොරවටා නුඹෙ තුරුණු හිත
සදා ගනින් හිත් පොඩිය
එන්නේ නෑ ඔහු කිසි දිනෙක....

********************************

ගෙවෙනකන් කකුල්දෙකම
කඩේ ගිහින් දේශපාලුවන්ට
ලැබුනෙත් දෙයයි එකකම එක
ඒත් ඉතිං
ආයෙත් ඡන්දයක් ලංවෙනකොට
දැනෙනව මර බිය
දේශපාලන පලිගැනීම වලට
ලක්වේවිදැයි..

(ආණ්ඩුව පෙරලුනොත්)

සිංහලෙන් දැම්මෙ නැති එක අවුලක් නැහැ නේද...??

ඔබට රහසේ
ඔබගෙ අහසේ
බැඳුන පහසේ
විඳිමි සුවසේ...

ඔබගෙ පහසේ
බැඳුනෙ රහසේ,
දිනෙක කෙලෙසේ
කියනු එලෙසේ...

දිනෙක එලෙසේ
දැනුන විගසේ
ගියොත් රහසේ
හැඬෙයි දුකසේ...

නින්දක් අවැසිමුත් නිදිදෙව්දුව නෑ එන්නේ
ඉදහිට නින්ද ආවත් නිත‍රම ඇහැරෙන්නේ
නැවතත් ඇදට වැටුනත් නෑ නෙත් පියවෙන්නේ
අරුමය කිමැයි මා හට නම් නොහැගෙන්නේ...

කාලය ගෙවී යනමුත් ඒ ගැන නොතැකෙන්නේ
දෙනො දහක් මැද සිටියත් තනිකම දැනෙන්නේ
නිත‍රම මුල්ලකට වී තනියම හිනැහෙන්නේ
අරුමය කිමැයි මේ, ආද‍රයක්දො නොමදන්නේ...